ឪពុកចុង រំលោភកូនចុង អាយុ៥ឆ្នាំ បានសម្រេច២ដង ត្រូវនគរបាលស្រុកវ៉ារិនឃាត់ខ្លួន
14-November-2019 | ដោយ ពលមនសិការ
សៀមរាប៖ ជីដូនជនរងគ្រោះបានទៅដាក់ពាក្យបណ្តឹងនៅអធិការដ្ឋានស្រុកវ៉ារិន ពីករណីឪពុកចុងរំលោភសេពសន្ថវៈ កូនចុង ដែលមានអាយុ៥ឆ្នាំ បាន២លើក នៅក្នុងព្រៃ។
លោក វរសេនីយ៍ ហុង ប៉ូហេង បានឲ្យដឹងនៅថ្ងៃទី១៤ ខែវិច្ឆកា ឆ្នាំ២០១៩នេះថា បន្ទាប់ពីកម្លាំងនគរបាលស្រុកវ៉ារិន កាលពីថ្ងៃទី១៣ ខែវិច្ឆិកា ឆ្នាំ២០១៩ វេលាម៉ោង១២និង០៣នាទី សមត្ថកិច្ចបានទទួលបណ្តឹងពីឈ្មោះ ឃួន វ៉ន ភេទស្រី អាយុ៧០ឆ្នាំ មានទីលំនៅភូមិគោកកណ្តាល ឃុំល្វាក្រាំង ស្រុកវ៉ារិន ខេត្តសៀមរាប បានរៀបរាប់ប្រាប់ថា មានឈ្មោះ ព្រឿង សំ ភេទប្រុស(ជាកូនប្រសារ)បានប្រព្រឹត្តសកម្មភាពចាប់រំលោភសេពសន្ថវៈទៅលើឈ្មោះ ស.ច.រ អាយុ០៥ឆ្នាំ (ជាចៅស្រីរបស់គាត់)កាលពីថ្ងៃទីមិនចាំ នៅអំឡុងខែភ្ជុំបិណ្ឌ ក្នុងឆ្នាំ២០១៩នេះ។
លោកបន្ថែមថា កាលពីថ្ងៃទីមិនចាំ ខែកក្កដា ឆ្នាំ២០១៩ ជនសង្ស័យខាងលើត្រូវជាឪពុកចុងរបស់ជនរងគ្រោះ មានទីលំនៅជាមួយគ្នា ឃុំល្វាក្រាំង ស្រុកវ៉ារិន ខេត្តសៀមរាប បានធ្វើសកម្មភាពលួងលោមជនរងគ្រោះ យកទៅរំលោភសេពសន្ថវៈ បានសម្រេចចំនួន២លើក នៅចំណុច ត្រពាំងចារ្យ ស្ថិតនៅខាងត្បូងភូមិកើតហេតុខាងលើ។
ក្រោយទទួលបានបណ្តឹងកម្លាំងជំនាញបានចុះស្រាវជ្រាវដល់ទីកន្លែងកើតហេតុ និងនាំជនសង្ស័យខាងលើមកសាកសួរ កំណត់ហេតុស្រង់ចម្លើយ បានឆ្លើយសារភាពប្រាប់នគរបាលជំនាញថា ពិតជាបានប្រព្រឹត្តសកម្មភាព រំលោភសេពសន្ថវៈលើជនរងគ្រោះចំនួន២លើកពិតប្រាកដមែន។
បច្ចុប្បន្នកម្លាំងនគរបាលស្រុកវ៉ារិន កំពុងរៀបចំសំណុំរឿងនេះទៅការិយាល័យជំនាញនៃស្នងការដ្ឋានខេត្តសៀមរាបដើម្បីចាត់ការតាមផ្លូវច្បាប់ ៕
ចំនួនអ្នកទស្សនា
- ថ្ងៃនេះ4251
- ម្សិលមិញ20231
- សប្តាហ៍នេះ83331
- ខែនេះ105211
- ឆ្នាំនេះ105211
- សរុប20547667